¿Quen somos?

Uns dirán que tolos, outros que valentes anticuados... Nós cremos o que somos.
Buscamos:
-Recuperar algo de nós mesmos.
-Difundir algo que se nos rachou no camiño.
-Transformar en noso o que outros se atribúen.
-Evolucionar como persoas daquí e de aló.

O desenvolvemento da Autonomía

Os cativos de 7 a 9 anos xogan
co fin de desenvolver o seu propio corpo
buscan retos complexos que batir
gustan de perigos insospechados
e queren que vexamos
como son quen de resolver
compexos movementos

Na primeira infancia

Os intantes máis cativos sorpréndennos cada día
coa súa capacidade de ouvido para cantar as cancións
que noutra hora nos fixeron rir a nós mesmos
e co desenvolvemento psicomotriz
que poden chegar a ter
só con que lles deixemos un espazo
ó ar libre no que poidan correr,
saltar e mesmo caer ó chan
nutrido de xeixos esquecidos polo tempo.

¿Xogas comigo?

Os rapaces de 9 a 11 anos
proban xogos competitivos
e de coordinación grupal,
desenvolven destrezas sociais
e buscan a aprobación do seu igual.

¿Quen son eu para impedir
que decida o seu pequeno espazo
neste tan basto mundo?

Que risas!!

E poñémonos a explicar cada quen
como o facía e mirámonos incrédulos,
sorprendidos, con expresión burlesca...

...e rímonos a esgalla,

...e voume conta:

¡que pouco tempo adico

a xogar contigo!

...e doume conta

de que o tempo

non espera que volvas.

Estamos a traballar nesto...

Estamos a traballar na descrición dos xogos
que xogabamos eiquí para recuperalos
e que xoguen os nosos nenos e nenas...
os redeseñen e "actualizen" eles mesmos
e para que vos animedes vós tamén.

¡QUE O PATIO DAS ESCOLAS

SEXAN VERDADEIRAMENTE

ESPAZOS DE RECREO, DISPERSIÓN

E DIVERTIMENTO DOS NENOS/AS!

Para os nenos e nenas máis pequenos/as:

Xogos de corro: o pano, a roda...
Xogos de palmas sinxelas.
Xogo da pilla.
Xogo de pes quetos.
...........................................

Os de 5 a 7 anos:

O xogo das casiñas.

Xogos de bonecas.

Xogos da pilla.

A 4 esquinas.

As 1ªs mariolas.

O 1ºs saltos na comba.

Outros xogos de corro.

......................................

Os raparigos de 8 a 10 anos:

Xogo de chapas.
Xogos de cabriolas.
Xogos con zancos.
Xogo do pano competitivo.
Xogos de palmas.
Xogo do escondite.
..................................

Os máis maiores do cole:

Xogo da ra.

Xogo de bolos.

Xogos con zancos.

O xogo de Sangue (Paz e Guerra).

Xogos de corda.

.................................................

Pouco a pouco queremos introducir as variantes
que eles mesmos como usuarios activos
vaian creando desde o anonimato do grupo social.

Nova andaina

2005 - 2006 foi un ano apaixoante para algúns dos que compuxemos os grupos de xogo popular infantil, iniciamos un redescubrimento da importancia de xogar e crecer xogando en grupo e o aire libre.


2006 - 2007 pretende posicionarse na práctica que a teoría anterior nos fixo comprender para as características particulares de cada entorno.

¿Recordas o camiño?

Son o que xoguei...
O que me deixaron xogar
e o que me neguei a xogar.

Nenos e nenas serán o que ti,
home e muller,
permitas que sexan...

¿Xogamos?